คนเคยมีคู่ แต่ตอนนี้บ่มีแล้ว

โอ้น้ออ้ายเอ้ย...
..สองมือนั้นเคยมีอ้าย จับมือชายเคยพาหย่าง
ปรางค์สองแก้มเคยหอมน้อง มาบัดนี้บ่มีชาย
หมายได้เคียงรวมเรียงเว่า ยามไปนาเคยมีคู่
มาบัดนี้บ่มีอ้าย ย่อนว่าไกลกันสุดแสน...

    
..จากกันไปไกลนานเนิ้น เดินโดดเดียวบ่มีคู่
จักนกเขาคูว่าพัดพราก อ้ายจากไปบ่คืนหวน
อวยพี่ชายคืนเนาว์บ้าน อ่วยกับมาว่าคืนท่ง
กลิ่นรันจวนมวลมอกไม้ บ่เคยจืดจางคือครั้งก่อน
แก้มอ่อนๆคังคองเจ้า ปานได๋น้อเล่าสิต่าวคืน..อ้ายเอ้ย...

@ หนุ่ม เมืองบาง

อันคนเฮานี้มีดีมีชั่ว

 

อันว่าคนเฮานี้หาก มีความแตกต่าง
บางคนทุกข์ยากไฮ้ บางคนได้เป็นเศรษฐี
บางคนดีบางคนชั่ว มัวเมาเรื่องบ่แม่น
บางคนแขนขาด้วน กรรมสร้างแต่งมา
บางคนแฟนอ้อมหน่า อ้อมหลังทุกหนแห่ง
บางคนนอนแห้งแล้ง แฟนสิซ้อนกะบ่มี
พุทธองค์ตรัสชี้ สาเหตุเพราะ บุญกรรม
ไผผู้ทำกรรมดี สิฮางมีดีได้
กรรมดีสิส่งให้ ได้มี ทุกสิ่งอย่าง
ทางชีวิตข้างหน้า สิหาพ้อแต่ความสุข...พี่น้องเอย

 

ขอบคุณผญาคำกลอน และรูปภาพจาก

Admin:khem เพจบ้านหลังน้อย - ของคนอีสาน

 

ทำอะไรต้องคิดก่อนทำ ก่อนพูด

@ สิถ่มน้ำลายให้เหลียวเบิ่งป่อง
สิเต้นข้ามฮ่องให้เหลียวเบิ่งหนาม
สิกวมให้เหลียวเบิ่งหน้า
พร้าเข้าอย่าฟันแฮง
ของเพิ่นแพงอย่าเข้าใกล้ 
ได้โชคแล้วอย่ามัวเมา

ขอบคุณเครดิตภาพ และคำผญา จาก Mong Su

ชีวิตไม่ได้ดีพร้อมไปทุกอย่าง

อย่าสิไลลืมบ้าน...เมืองอีสานบ้านพ่อแม่..
ให้แวคืนเมือบ้าน...ไปแปงสร้างซ่อยกัน.. .
หันกลับไปฟูเฟื่อง...เมืองอีสานบ้านเฮาแน๊.. 
อย่ามัวแต่ติ๊พุ้นพี้..แม่นดีฮ้ายกะถิ่นเฮา...พี่น้องเอ้ย.....
#ลูกอีสานห่างบ้าน

ขอบคุณผญาอีสานจาก : ลูกอีสานห่างบ้าน

ขอบคุณเครดิตภาพจาก : Suravut Whanset